Каталониянинг “Барселона” клуби жароҳат олиб узоқ муддатга сафдан чиққан ҳужумчиси Луис Суарес ўрнига муносиб номзод қидирмоқда.

El Larguero нашри тарқатган хабарга кўра “кўк-анор ранглилар”нинг бу борадаги эътибори “Сарагоса” форварди Луис Суаресга тушди. “Барса” вакиллари аллақачон ушбу масала юзасидан 22 ёшли колумбиялик футболчи билан боғланишган.

Айтиш керакки, гарчи қишки трансферлар ойнаси расман ёпилган бўлсада, “Барселона” ўз сафига 1 та ҳужумчи қўшиб олиш ҳуқуқига эга. Бироқ, вазиятни чигаллаштириши мумкин бўлган яна бир нарса Суареснинг трансфер ҳуқуқи “Уотфорд” клубида эканлигидир. У ҳозир “Сарагоса”да ижарада тўп сурмоқда.