"Барселона" президенти ҳакамлар ҳаракатларини қоралади

Жоан Лапорта "Хетафе"га қарши ўйиндаги ҳакамларнинг қарорларига норозилик билдирди.

- "Хетафе" билан ўйиндаги ҳакамлик ҳаракатлари шармандали бўлди. Кундега нисбатан белгиланмаган пенальти - бу адолатсизлик. Худди шундай эпизодда Рюдигерга нисбатан бўлган қоидабузарликда 11 метрлик жарима зарбаси белгиланди, - деди "Барселона" президенти.

Шанба куни "Барселона" ва "Хетафе" Ла Лиганинг 20-турида 1:1 ҳисобида дуранг ўйнади.

Маълумот учун, ўйиннинг 80-дақиқасида "Барселона" ҳимоячиси Жюль Кунде ва "Хетафе" ярим ҳимоячиси Крисантус Уче бурчак тўпи узатилаётган пайтда тўқнашиб кетди. Уче қўллари билан Кундени ушлаб, ҳимоячини йиқитишга уринаётган эди. Ўйин ҳаками Пабло Гонсалес Фуэртес бу эпизодда қоидабузарлик қайд этмади.