"Барселона" президенти: Месси билан шартномани узайтирмоқчимиз

"Барселона" президенти Хосеп Мария Бартомеу жамоа етакчиси Лионель Месси билан амалдаги шартномани узайтириш режалаштирилаётганини айтди.

“Мессининг амалдаги шартномаси 2021 йилда ўз ниҳоясига етади ва шу сабабли биз ушбу келишувни узайтиришни хоҳлаймиз. У ҳозир ҳар томонлама кучли, руҳий томондан ҳам. Унинг эътибори чемпион бўлишга қаратилган”, - дейди Бартомеу.

Маълумотларга қараганда томонлар ўртасидаги янги келишув 2023 йилга қадар тузилади.

Эслатиб ўтамиз, Месси жорий мавсум каталонияликлар таркибида жами34та ўйинда майдонга тушди ва ўз ҳисобига 33та гол ҳамда 18та голли узатма ёздириб қўйишга эришди.