"Барселона" собиқ футболчиси: "Дембеле "Олтин тўп" учун фаворит"

"Барселона" собиқ ҳужумчиси Христо Стоичков Каталония клуби юлдузи Ламин Ямални "Олтин тўп" ютиш имкониятларини баҳолади.

"Менимча, бу йил ПСЖ ўтган мавсумда қилган натижасини қайтара олмайди. Ямал кучли учликда бўлиши аниқ. Бу сиз каби овоз бериш ҳуқуқига эга бўлган одамларга боғлиқ. Насиб қилса, "Олтин тўп"ни топшириш учун шоҳсупага кўтариламан. Кўрамиз, нима бўларкин.

Бу йил ПСЖ барча чемпионликларни қўлга киритди, фақат Ню-Йоркда "Челси"га ютқазди. Дембеле - соврин учун фаворит, лекин умид қиламанки, Ямал уни ютади, чунки у бизники ва яна бир ўйинчи "Олтин тўп"ни қўлга киритиши ҳар доим ёқимли.

У ғалаба қозонади. Қачон ва қандай бўлиши ўзига боғлиқ. Унинг ўз йўли бўлиши керак. У ўзини ҳеч ким билан таққосламаслиги керак. Мен таққослашни ёқтирмайман ва кимдир ўзини мен билан солиштиришини ёқтирмайман. Давом этишнинг энг осон йўли - ўз йўлингиздан бориш. Ҳар куни машқ қилинг, курашинг, меҳнат қилинг, ўйинларда ғалаба қозониш ва жамоага фойда келтириш учун майдонга тушинг", - деди "Барселона"нинг собиқ футболчиси.