"Барселона" Траорени ортга қайтармоқчи

Европанинг бир қатор кучли клублари ёзги трансферлар ойнаси давомида "бўрилар" ҳужумчиси Aдама Траорени ўз сафларига қўшиб олишмоқчи.

Aйниқса, футболчининг собиқ жамоаси "Барселона" ҳужумдаги муаммоларни испаниялик форвард билан бартараф этмоқчи. Aммо улар бошқа гигант клублар учун курашишга мажбур.

Шунга таяниб айтишимиз мумкинки, каталонияликлар 24 ёшли футболчи трансфери учун катта маблағ сарфлашларига тўғри келади. transfermarkt.de маълумотларига кўра, футболчининг айни пайтдаги трансфер нархи 28 млн еврони ташкил қиляпти. Бироқ бу маблағ ёзда янада кўтарилиш эҳтимоли юқори.

Маълумот учун, Aдама ушбу мавсум Премьер-лиганинг 24 ўйинида иштирок этиб, 4 та гол ва 7 та голли узатмага муаллифлик қилди.