"Барселона" ва "Реал" "фитна"га бош қўшмади

 

Европа клублари уюшмасига кирувчи "Барселона" ва "Реал" раҳбарияти "Бавария" клубнинг бошқаруви раиси Карл-Хайнц Румменигге томонидан ФИФА президенти Жанни Инфантинога ёзилган мактубни имзолашдан бош тортди.

 

Румменигге Европа клублари уюшмаси номидан Инфантинога мактуб йўллаб, ушбу ташкилот аъзолари ФИФАнинг жаҳон чемпионати иштирокчилари сонини 48 тагача ошириш ташаббусини қўллаб-қувватламаслигини билдирган эди. "Барселона" президенти Хосеп Мария Бартомеу ва "Реал" раҳбари Флорентино Перес ушбу мактуб мазмунидан ҳайратга тушганликларини маълум қилиб, хатни имзоламади. Шунингдек, Италиянинг аксарият клублари ҳам "Бавария" вакилининг ишини маъқулламади.

 

 

10 январь куни ФИФА кенгаш мажлисида жаҳон чемпионати иштирокчилари сонини оўириш масаласини муҳокама қилади.