"Барселона"да ҳеч ким бу ишни уддалай олмаган эди

"Барселона" ҳужумчиси Усмон Дембеле кеча "Атлетик" Бильбаога қарши ўйинда захирадан ўйинга қўшилди ва ажойиб тарзда киришиб кетди.

Франциялик иқтидор эгаси иккинчи бўлим ўрталарида майдонга тушди ва Френки де Йонгнинг узатмасидан сўнг рақиб дарвозасини ишғол қилди. Бундан ташқари у ўйин якунига қадар Люк де Йонг ва Мемфис Депайнинг голларига ассистентлик ҳам қилишга улгурди.

Эътиборлиси, Дембеле XXI асрда захирадан майдонга тушган ва бирданига жамоасининг учта голига ҳисса қўшган “Барселона”нинг биринчи футболчисига айланди.