“Барселона”га энди "қариялар" керакмас

“Барселона” спорт директори Деку клубнинг трансфер сиёсатига жиддий ўзгартириш киритди. Бу мутахассис энди жамоага ёши 30 дан ўтган футболчилар трансфер қилинишига йўл қўймайди.

Diario Sport нашрининг хабар беришича, Деку айни пайтда “Барселона”да ёши ўтган футболчилар етарли эканини таъкидламоқда. Спорт директори ёши катта ўйинчиларни яхши нархга сотиб юбориш қийин эканини инобатга олган ҳолда шу қарорга келгани айтилмоқда.

Айни пайтда Каталония клубидаги етти нафар ёши 30дан ўтган футболчилар тўп тепяпти.

Асосий таркибда энг ёши катта ўйинчи Роберт Левандоски ҳисобланади. Шунга қарамай, 35 ёшли ҳужумчи Ла Лигада рақиблар дарвозасига энг кўп – 5 та тўп киритган.