"Бавария" Бундеслигада ажойиб кўрсаткич қайд этди

"Бавария" Бундеслиганинг 19-турида "Шальке" (5:0) га қарши баҳс олиб борди.

19 та турдан сўнг, мюнхенликларнинг голлари сони 55 тани ташкил этмоқда. Бу нафақат жорий мавсумнинг, балки Бундеслиганинг сўнгги 34 йилдаги энг яхши кўрсаткич бўлиб турипти.

"Вердер"нинг 1985/86 йилда кўрсатган натижаси учун "Бавария"га 2 та гол етмади. Ўша пайт бременликлар 19 учрашувда 57 та гол уришга эришган.

Эслатиб ўтамиз, "Бавария" жорий мавсум 39 очко билан турнир жадвалининг 2-поғонасидан жой олиб турипти.