Роналду Ўзбекистон билан ўйиндаги "даҳшатли" рекордга қандай муносабат билдирди
Жаҳон чемпионати саралаши доирасидаги навбатдаги ўйиндан сўнг Португалия терма жамоаси сардори Криштиану Роналду ўзининг яна бир тарихий ютуғи ҳақида фикр билдирди.
Ўзбекистонга қарши беллашувда йирик 5:0 ҳисобида якунланган ғалабали учрашувда 41 ёшли ҳужумчи дубль қайд этди ва шу тариқа жаҳон чемпионатлари тарихида олтита мундиалда гол урган ягона футболчига айланди.
- Рекордларни янгилаш мен учун ҳар доим ёқимли. Лекин асосий мақсадим — миллий жамоамизга ўз олдига қўйган вазифаларни бажаришда ёрдам бериш, — деди Криштиану Роналду ўйиндан сўнг.
Нашр Криштиану Роналдунинг шахсий саҳифасидаги ушбу ўйинга оид постини ҳам эсга олган.
жаҳон футболида энг кўп гол урган португалиялик юлдуз Ўзбекистон терма жамоасига қарши ўйиндан кейинги ҳис-туйғулари ҳақида ҳам гапириб берди.
Роналду ушбу ўйинда икки гол урди ва дублин қайд этди. Учрашув тугагач, у камера томон қараб: «Мен қайтдим!» дея баланд овозда баёнот берди.
- Нега камерага бақирдим? Чунки одамлар буни унутмаслиги керак. Биламанки, кимки тинмай меҳнат қилса, Худо унга ёрдам беради. Бу ҳафта оғир ўтди, кайфият ҳам яхши эмасди, ҳаммаси гўё мен футболдан бутунлай кетгандек бошланди. Лекин мен ҳар доимгидек чидамли бўлдим, чунки меҳнатга футболнинг ўзига қараганда кўпроқ ишонаман. Осон бўлмади, буни тан олишим керак, аммо биз яна майдонга қайтдик, — деди Криштиану Роналду.
Португалиянинг йирик ғалабасига Роналдунинг икки голи, шунингдек Нуну Мендеш ва Рафаэл Леау томонидан урилган тўплар сабаб бўлди. Яна бир гол эса ўзбекистонлик дарвозабон Абдувоҳид Неъматов ҳисобига автогол сифатида қайд этилди.
"K" гуруҳидаги сўнгги тур эса 28 июнь тонгги, Тошкент вақти билан соат 04:30 да бошланади. Унда Ўзбекистон футболчилари Конго Демократик Республикаси терма жамоасига қарши тўп суради. Португалия эса Колумбияга қарши майдонга тушади. Иккала ўйин ҳам бир вақтда старт олади.
Фикрлар