Бензема "Реал"дан кетиши ҳақидаги хабарларга: "Интернетдаги гап-сўзлар қуруқ сафсата!"

"Реал" Мадрид футболчиси Карим Бензема клубни тарк этиши мумкинлиги ҳақидаги саволларга жавоб берди. У "Marca" нашрининг "Marca Leyenda" (йилнинг энг яхши спортчиси учун бериладиган мукофот) топшириш маросимида бу ҳақда гапириб ўтди.

""Реал" мухлисларининг мени қанчалик яхши кўришларини яхши биламан. Буни майдонда эканимда ҳис қилиб тураман. Жамоа, мухлислар учун доим бор кучим билан ҳаракат қилганман. Мен доим "Реал" нафақат 11 футболчи билан, балки мухлислари билан майдонда тўп тепишини айтиб келганман!

Фаолиятим билан фахрланаман. Бу клуб билан шартнома имзолаганимда 21 ёшда эдим. Мен фақат роҳатланиш ва совринлар ютиш ҳақида ўйлардим. Якунда эса жамоа билан ҳамма нарсани қўлга киритдим. 

Мадрид мухлисларига гапларим борми? Нима ҳақида? Мен шу ердаман ва келажак ҳақида гапиришнинг вақти эмас, деб ҳисоблайман. Кетишим борасидаги хабарлар ҳақиқатга тўғри келмайди. Шанба куни ўйинимиз бор. Диққат-эътиборни шунга қаратганман. Интернетдаги гап-сўзлар эса қуруқ сафсата!", - деди франциялик футболчи.