Бензема яна Зидан қўл остида тўп тепиши мумкин

"Реал" сардори Карим Бензема фаолиятини Италия А Сериясида давом эттириши мумкин.

"Calciomercatoweb" нашри тарқатган хабарга кўра, 35 ёшли ҳужумчи "Ювентус" таркибига бориб қўшилади. Туринликлар келишувнинг ёзда амалга ошишига ишонмоқда.

Боз устига, агар Зинедин Зидан "кекса сеньора" бошқарувига келса, Бензема трансфери айни муддао бўлади. Икки француз "Реал"да бирга самарали фаолият олиб борган.

35 ёшли Карим жорий мавсум "қаймоқранглилар" сафида 16 ўйинда майдонга тушиб, ўз ҳисобига 9 гол ва 1 ассистни ёздириб қўйишга эришган.