Бензема Яхшибоев гол урган учрашувни тилга олди
“Реал” ҳужумчиси Карим Бензема журналистларга берган интервьюсида УЕФА Чемпионлар лигаси гуруҳ босқичи иккинчи турида “Шериф”га бой берилган учрашув ҳақида тўхталди.
Маълумки, “Шериф”нинг 2:1 ҳисобидаги ғалабаси билан якунланган ўйинда ҳисобни Жасур Яхшибоев очган эди.
- Биз тезроқ ўша учрашувни унутишимиз керак. У ўйин ортда қолди. Аввал айтганимдек, мавсум энди бошланди. “Шериф”нинг ғалабасини тан олишимиз керак, улар яхши ўйнади. Рақиб ўйин давомида дарвоза томон атиги иккита аниқ зарба билан бир жуфт гол урди.
Биз ўша беллашувдан ўттиздан ортиқ хавфли вазиятлар ярата олдик. Лекин бу ҳолат футболда ҳеч бир рақибни енгил қабул қилмаслик кераклигини кўрсатди. Қолаверса, “Реал” ҳар бир учрашувни фаворит сифатида бошлайди, - деди Карим Бензема.
Фикрлар