Биласизми? Месси "Барса" учун илк голини урган кундан роппа-роса 14 йил ўтиб 600-голини урди

Кеча тунда Лионель Месси ЕЧЛ ярим финал доирасида "Ливерпуль" дарвозасига 2 та тўп киритганидан хабарингиз бор. Биласизми, Мессининг жарима зарбасидан киритган голи "Барса" учун урган юбилей 600-голи бўлди. Бундай натижа учун Мессига 683 та ўйин керак бўлди.

2005 йил 1 май куни Ла лига доирасида "Альбасете"га қарши ўйиннинг 88-дақиқасида Это`О ўрнига майдонга тушган аргентиналик 17 ёшли ҳужумчи 3 дақиқа ўтган Роналдиньо билан ташкил қилган ажойиб комбинацияни гол билан якунлайди. Бу Леонинг "Барселона" учун киритган дастлабки голи эди. Тарихни қарангки, худди шу кун орадан 14 йил ўтиб, юбилей 600-голини урди.