Бокс: Сабина Бобоқулова Осиё чемпиони!

22 ёшгача бўлган боксчилар ўртасидаги Осиё чемпионати давом этмоқда. Финал жангларининг навбатдагиси -50 кг вазн тоифасида юртдошимиз Сабина Бобоқулова ҳамда Шри -Ланка вакиласи Севанди Боталаж ўртасида бўлиб ўтди. 

Дастлабки раундда Сабинанинг кучли зарбасидан сўнг ҳисоб очилди. Умумий тарзда айтганда, 1-раунд яққол ҳамюртимиз устунлигида ўтди. 2-раундда ҳам фаолликни асло сусайтирмаган юртдошимиз кетма-кет зарбалар йўллаб, яна икки марта ҳисобни очилишига сабабчи бўлди ва якунда муддатидан аввал ғалабани тантана қилиш баробарида Осиё чемпионлигини қўлга киритди.

Фото Ўзбекистон бокс федерацияси телеграм каналидан олинди.