Bokschilarimiz Kaspiyskdagi turnirda o‘z ishtiroklarini boshlashdi

Kecha Dog‘iston Respublikasining Kaspiysk shahrida boks bo‘yicha Magomed-Salam Umaxanov xotirasiga bag‘ishlangan 21-Xalqaro musobaqa start oldi.  Bu haqda boks federatsiyasi matbuot xizmati xabar berib o‘tdi.

Dastlabki kun janglarida faqatgina -64 kg vaznli bokschimiz Boburmirzo Tolibov mezbon bokschiga imkoniyatni boy berib qo‘ydi. Qolgan sportchilarimiz turnirni g‘alaba bilan boshlashdi.

-56 kg: Olim Husanbaev - Gaurav Solanki (Hindiston)

-64 kg: Jahongir Rasulov - Stavros Xadjigeorgiadis (Gretsiya)

-64 kg: Boburmirzo Tolibov - Islam Medjidov (Rossiya)

-75 kg: Akmurad Gaffarov - Zuber Yakubov (Rossiya)

-75 kg: Saidjamshid Jafarov - Togurbek Pazziev (Turkmaniston)

-81 kg: Shohruxbek Rustamov - Vladimir Mironchikov (Rossiya)