"Брайтон" Милнерни текинга қўлга киритиш арафасида

"Ливепруль" ярим ҳимоячиси Жеймс Милнер мавсум сўнггида клубни тарк этадиган бўлди. Унинг кейинги манзили катта эҳтимол билан "Брайтон" бўлади. 37 ёшли футболчи клуб билан келишувга эришиш арафасида, дея хабар берди "Sky Sports" нашри.

Милнер 2015 йилда "Ливерпуль" таркибига эркин агент сифатида келиб қўшилганди. У жамоа билан Чемпионлар лигаси ва Премьер-лигада зафар қучди. 

Мерсисайдликлар келаси мавсум учун катта трансферларни амалга оширмоқчи. Шу сабабли, ярим ҳимоячи учун таркибда жой топилмаслиги мумкин. "Брайтон" эса ёзда кучли ярим ҳимоячиларни йўқотади. Милнер кўп ўйин амалиётига эга бўлиши мумкин.