Бунақаси кетмайди! Моуриньо “Рома” раҳбарларидан норози!

Жозе Моуриньо келаси мавсумда шогирдлари билан бир неча мақсадлар сари курашиши талаб этилади. Португалиялик мутахассис олдига Чемпионлар лигаси йўлланмасини қўлга киритиш, Италия кубогида ғолиб чиқиш ва Европа лигаси бош совринини олиш вазифалари қўйилган.

Моуриньо бу талабларни бажариш учун биринчи навбатда юқори малакали ижрочилар трансфер қилиниши кераклигини таъкидламоқда.

Шунга қарамай, клуб мутасаддилари трансфер бозорида суст ҳаракат қилаётган Моуриньонинг норозилигига сабаб бўлаётир.

Жамоа 5 июль куни мавсумолди ўқув-машғулот йиғинини бошлайди. Бош мураббий танлаган трансфер нишонларини шу кунга қадар жамоага олиб келиш муҳим ҳисобланади. “Рома” раҳбарияти эса ҳозирча фақатгина “Манчестер Юнайтед”ни тарк этиб, эркин агентга айланган Неманья Матич билан шартнома тузди холос.