"Bunyodkor" "Lokomotiv"ga qarshi nazorat o‘yini o‘tkazadi

O‘z qarorgohida shug‘ullanayotgan «qaldirg‘ochlar» kuniga bir mahaldan mashg‘ulot o‘tkazmoqda. Yig‘inda asosan o‘rinbosarlar tarkibidan saralab olingan va boshqa klublardan ko‘rik uchun taklif qilingan yosh iqtidor egalari ishtirok etmoqda. Mashg‘ulotlarni bosh murabbiy Vadim Abramovning o‘zi o‘tkazmoqda.

Rejaga ko‘ra, yig‘in 30 dekabrga qadar davom etadi. Shu kuni «Bunyodkor» o‘z maydonida nazorat uchrashuvi doirasida «Lokomotiv»ga qarshi maydonga chiqadi. Shundan so‘ng yangi yil munosabati bilan qisqa muddatli ta’til beriladi. Mashg‘ulotlar 2 yanvardan davom ettiriladi.