Ўзбекистон Cуперлигасининг 2019 йилги мавсумида 3-ўринни олган ҳолда ОЧЛнинг 2-саралаш босқичидан иштирокини бошлайдиган "Бунёдкор" ушбу босқич доирасида Ироқ Премьер-лигасида якунига етган мавсумда 3-ўринни эгаллаб, мусобақага етиб келган "Ал-Завра"га қарши баҳс олиб боради. Хўш, "қалдирғочлар"нинг бўлғуси рақиблари ким?

"Ал-Завра" спорт клуби Ироқ пойтахти Бағдод шаҳрининг ғарбий ҳудудларидан бўлган Утайфияда жойлашган. Жамоа Ироқ Премьер-лигасининг энг номдор вакилларидан бири. Клуб 1959 йилда ташкил топган ва ҳали бирор марта юқори дивизиондан тушиб кетмаган. Ироқнинг 14 карра чемпиони (рекорд ). Жамоа 2018/2019 йилги мавсумда Ироқ кубогини 16 бор қўлга киритишди ва улар бу борада ҳам етакчи ҳисобланишади.

qasu

Жамоа номи: Ал-Завра СК

Лақаби: Балиқчи қушлар

Ташкил топган: 1959 йил 29 июнь

Стадион: Ал-шааб

Бошқарувчи: Ироқ транспорт вазирлиги

Президент: Фалаҳ Хассан

Мураббий: Басим Касим

Юқорида таъкидланганлардан ташқари, клуб 3 карра Ироқ кубоги ҳамда 4 карра Ироқ Суперкубоги соҳиби ҳамдир. 1999/00 йилги мавсумда ўз миллий чемпионати доирасидаги барча кубокларга эга чиққан. 1993-1994 йилларда жами 39 ўйинда "Ал-Завра" мағлуб бўлмаган ва бу Ироқ клублари орасида рекорд ҳисобланади.

za

Гарчи жамоа ички чемпионатда анча сермаҳсул бўлса-да, халқаро миқёсдаги мусобақаларда натижалар айтарлик эмас. 1996/97 йили "Осиё клублари чемпионати"да тўртинчи ўрин, 1999/00 йили Осиё кубок эгалари кубоги финалчиси бўлган.

ОЧЛ нинг ушбу формати қабул қилинган 2002 йилдан бери клуб гуруҳ босқичидан нарига ўтолмай келмоқда. Умуман, бу "Ал-Завра" учун ОЧЛдаги бешинчи иштирок.

Эслатиб ўтамиз, ОЧЛ 2-саралаш босқичидан ўрин олган "Бунёдкор" ва "Ал-Завра" клублари ўртасидаги ўйин 22 январь куни бўлиб ўтади.

Интернет маълумотлари асосида Исмоил Йўлдошев тайёрлади

Матнда хатолик топсангиз, ўша хатони белгилаб, бизга жўнатинг (Ctrl + Enter)