"Бухоро" мураббийи: "Пахтакор" чемпионат лидери. Лекин уларнинг футболчилари бошқа жамоада ижарада тўп тепса ҳам ўзларига қарши ўйнамаслиги мени ажаблантиряпти
"Бухоро" - "Пахтакор" учрашувидан сўнг мезбонлар устози Муҳсин Муҳаммадиев қуйидаги фикрларни билдириб ўтди. Бу ҳақда клуб матбуот хизмати хабар берди.
- Ўйин ҳақида ҳеч нарса дея олмайман, чунки ўйин тизгинини қўлдан чиқариб юбордик. Лекин бир нарса мени ажаблантиряпти, "Пахтакор" жамоаси Ўзбекистон чемпионатида яққол лидер ҳисобланади. Уларнинг кўпгина футболчилари турли жамоаларда ижара асосида тўп суряпти, аммо ўша футболчилар "Пахтакор"ни ўзига қарши ўйинларда майдонга туша олмайди!!! "Пахтакор"нинг талаби шунақа экан, ахир шундоғам захирамиз кучли эмас.
Икки асосий ёш футболчиларимизсиз тўп сурдик. Ўйинга тайёрланишимизда бизда вақт жуда ҳам оз эди.
Нима ҳам дердим бу футбол, иккинчи даврада жавоб учрашуви бор, натижани яхшилашга ҳаракат қилиб кўрамиз, - деди мураббий.
Фикрлар
"Аренда-Договор"деган официальный документ бор,ушанда "арендага берилган уйинчи узимизга карши уйнамасин"деган пункт мавжуд.
Агар рози булсанг имзо куйиб ол,рози булмасанг олма,хеч ким мажбурлай олмайди.
Пахтакор 1-чи уриндами ёки 10-чи буни ахамияти йук.