"Челси" футболчиси "Интер" билан келишувга эришди

"Челси" ҳужумчиси Оливье Жиру "Интер" билан келишувга эришди, дея хабар бермоқда италиялик журналист Жанлука Ди Марцио.

Франциялик 33 ёшли футболчининг агенти ва Милан клуби раҳбарлари ўртасидаги музокара муваффақиятли кечган. Томонлар 2,5 йиллик шартномага келишиб олишди. Шартнома қишги трансфер вақтидаёқ имзоланади.

Агар "Интер" қишда футболчининг шартномасини расмийлаштира олмаса, унда "нерадзурриар" футболчини ёзда эркин агент сифатида қўлга киритади.