"Челси" футболчисининг "Спартак"даги маоши маълум бўлди

"Челси" ярим ҳимоячиси Виктор Мозеснинг "Спартак" билан молиявий келишув шартлари маълум бўлди.

"Қизил-оқлар" Мозесни 10 миллион еврога сотиб олиш имконияти билан ижарага олмоқда. Расмий баёнот ҳафта сўнггида берилиши кутилмоқда.

Нигериялик футболчи москваликлар сафида йилига 3 миллион еврога яқин маош олади. Россиянинг "Спорт-Экспресс" нашри хабарига кўра, бу рақам футболчи айни дамда "Челси" олаётган маошдан 25 фоиз кам.