“Челси” жаҳон чемпиони учун харажатдан қочмайди

“Челси” раҳбарияти Қатардаги жаҳон чемпионати қаҳрамонларидан бири Энцо Фернандесни ўз сафига қўшиб олмоқчи.

Лондонликлар январь ойида трансферни амалга ошириш мақсадида 21 ёши аргентиналик ярим ҳимоячи учун 120 миллион евродан ортиқроқ маблағдан воз кечишга тайёр.

“Бенфика” раҳбарияти Фернандеснинг трансферини ёзда ҳал қилишни режалаштирмоқда. Футболчининг ўзи ҳам Европадаги дебют мавсумини Лиссабонда якунлаб қўймоқчи.

Энцо Фернандес жаҳон чемпионатининг барча – еттита учрашувида қатнашиб, биттадан гол ва ассист муаллифи бўлди.