"Chelsi" Kanteni rag‘batlantirmoqchi

Londonning "Chelsi" jamoasi futbolchi N'Golo Kante bilan shartnomani uzaytirmoqchi. Klub hozirda uning o‘yinidan mamnun va uni mukofotlash maqsadida yanada ko‘proq maosh taklif qilmoqchi.

Agar Kante bu taklifga rozilik bildirsa, u klubdagi eng ko‘p maosh oladigan futbolchiga aylanadi. Hozirda unga aynan qancha maosh taklif qilingani noma’lum.

Frantsiyalik futbolchining londonliklar bilan amaldagi shartnomasi 2023 yilda o‘z yakuniga etadi. Ayni paytda 30 yoshli iqtidor "aristokratlar" safida haftasiga 290 000 funt sterling maosh oladi. 

Statistikaga ko‘ra, N'Golo Kante joriy mavsum APLdagi 15 bahsda 2 gol va 2 assist muallifiga aylangan.