"Челси" Роналдуни сотиб олиши керак"

"Арсенал" собиқ футболчиси Поль Мерсон Криштиану Роналдунинг "Челси"га эҳтимолий трансфери ҳақида гапириб ўтди. Айтишича, айни пайтда клуб футболчига муҳтож.

"Челси" келаси мавсум юқори даражадаги ҳужумчи билан шартнома имзоламаса, ҳатто, учинчи ўринни ҳам эгаллай олмайди. Шундай экан, улар Роналду вариантини ўйлаб кўриши лозим.

Хаверц яққол ҳужумчи эмас. У бир мавсумда 20 та гол уришга қодир эмас. Криштиану эса буни уддалайди. 

"Аристократлар"да Чилуэлл ва Жеймс каби ажойиб қанот ҳимоячилари бор. Жарима майдонига узатмалар уларда кўп кузатилади. Дунёдаги энг яхши якунловчи ким? Ҳа, топдингиз. Бу - Роналду! "Челси" португалиялик юлдузнинг трансферини яхшилаб ўйлаб кўриши даркор, назаримда", - деди собиқ футболчи.