“Челси” “тозалаш ишлари”ни давом эттиради

"Челси" бош мураббийи Томас Тухель жамоанинг ҳужум чизиғини тубдан қайта қуриш режасига қарши эмас. Журналист Якоб Штайнбергнинг фикрича, Тимо Вернер “РБ Лейпциг”га кетганидан сўнг, немис мутахассиси Кристиан Пулишич ва Ҳаким Зиешдан ҳам қутулишни истамоқда.

Эслатиб ўтамиз, "Милан" ҳозирда марокашлик футболчига даъвогарлик қилмоқда, у "Челси" билан сотиб олиш шарти билан ижарага олиш борасида муҳокама олиб бормоқда. Бироқ, томонлар ҳали бир тўхтамга келмаган.

Ҳозирча Пулишичга даъвогарлар йўқ, аммо трансфер ойнаси ёпилгунга қадар вазият ўзгариши мумкин. Агар Зиеш ва Пулишич кетишса, "Челси" ҳужум позицияси учун камида иккита янги футболчи сотиб олиши мумкин.

ОАВ хабарига кўра, бу ўрин учун асосий даъвогар МЮ форварди Криштиану Роналду ҳисобланади.