“Челси”да бахтлиман!

"Челси" ярим ҳимоячиси Мэйсон Маунт лондонликлар билан янги шартнома имзолаш ниятида эканлигини айтди.

“Ҳозирги шартномам тугашига яна 2 йил қолди ва мен клубда жуда бахтлиман. Умид қиламанки, яқин келажакда биз битимни узайтириш бўйича музокараларни бошлаймиз”, - дея Маунтнинг сўзларини келтиради “The Athletic” нашри.

Маунт "Челси" тарбияланувчиси ҳисобланади. 23 ёшли англиялик футболчи ўтган мавсумда лондонликларнинг барча мусобақалар доирасидаги 53 ўйинда майдонга тушиб, ўз ҳисобига 13 гол ва 16 голли узатмани ёздириб қўйган.