“Челси”га рақиб юлдузи керак

“Челси” бош мураббийи Томас Тухель жамоанинг ҳужумкорлик салоҳиятини ошириш учун “Манчестер Сити” ҳужумкор футболчиси Рияд Маҳрезни трансфер қилмоқчи.

31 ёшли жазоирлик ўйинчининг “шаҳарликлар” билан амалдаги шартномаси келаси йили якунланади. Агар Хосеп Гвардиола мавсум охиригача африкалик футболчини жамоада қолишга кўндирмаса, клуб мутасаддилари ёзда уни сотиб юборишига тўғри келади.

Мутахассисларнинг таъкидлашича, Хосеп Гвардиола ҳар қандай жамоани кучайтиришга қодир бўлган Маҳрезни ички чемпионатда тўғридан тўғри рақобатчи бўлган “Челси”га ўтишига йўл қўймаслиги мумкин.

 Рияд Маҳрез жорий мавсумда барча турнирларда 36 маротаба майдонга тушиб, рақиблар дарвозасини 22 маротаба ишғол қилди ва жамоадошларига еттита голли пас узатди.