"Chelsi"ga yangi darvozabon keladi

“Renn” darvozabon Eduaru Mendining transferi bo‘yicha “Chelsi”dan bo‘lgan so‘nggi taklifni qabul qildi.

Jurnalist Fabritsio Romanoning ma’lum qilishicha, 28 yoshli senegallik posbon yaqin soatlar ichida Londonga etib keladi va shartnoma imzolaydi. Boisi, u “aristokratlar” bilan shaxsiy shartnoma bo‘yicha bir necha kun avval kelishuvga erishib bo‘lgan.

Mendi o‘tgan mavsum “Renn” safida 24 ta o‘yinda maydonga tushdi va ulardan 9 tasida o‘z darvozasi daxlsizligini saqlab qoldi.