Чемпионлар лигаси гуруҳ босқичининг энг тезкор футболчилари маълум

УEФА Чемпионлар лигаси гуруҳ босқичининг энг тезкор футболчилари рейтингини эълон қилди.

Энг юқори тезликни “Шахтёр”нинг вингери Михайл Мудрик кўрсатди – 36,6 км/соат. У биринчи ўринни "Барселона" футболчиси Усмон Дембеле билан бўлишиб олди. Учинчи ўринда “Милан” ҳужумчиси Рафаэль Леау 36,5 км/соат тезлик билан бормоқда.

Шунингдек, кучли ўнталикдан Федерико Вальверде (“Реал Мадрид”, 36,3 км/соат), Нуну Тавареш (“Марсель”, 36,2 км/соат), Альфонсо Дэвис (“Бавария”, 36,2 км/соат), Мусса Диаби (“Байер”, 36,1 км/соат), Карим Адейеми ("Боруссия Дортмунд", 36,1 км/соат), Рафа Силва ("Бенфика", 35,9 км/соат) ва Тео Эрнандес («Милан», 35,7 км/соат) каби футболчилар жой олган.