Coca Cola Ўзбекистон кубоги. Иккинчи саралаш босқичи учун қуръа ташланди

Бугун Coca Cola Ўзбекистон кубогида биринчи саралаш босқичи баҳслари бўлиб ўтди. Бир учрашувдан иборат қарама-қаршиликлар натижасига кўра, “Оқ-Тепа”, “Нефтчи”, “Шўртан” ва “Динамо” жамоалари Coca Cola Ўзбекистон кубогининг иккинчи саралаш босқичига чиқди.

Мазкур босқич учун бугун жонли эфирда қуръа ташланди ва қуръа натижалари қуйидагича кўриниш олди:

ШЎРТАН – НЕФТЧИ

ДИНАМО – ОҚ-ТЕПА

Иккинчи босқич беллашувлари 28 июнь куни бўлиб ўтади. Бошланиш вақтлари кейинроқ батафсил маълумот берилади.

Маълумот учун, ушбу босқичда ғалаба қозонган икки жамоа Coca Cola Суперлиганинг 14 клубига қўшилиб, кубокнинг гуруҳ босқичига йўлланма олади. Эслатиб ўтамиз, Coca Cola Ўзбекистон кубоги финали Наманган шаҳрида бўлиб ўтади.