Де Хеа: МЮ дарвозасини ҳимоя қилиш мен учун шараф

Аввалроқ хабар берганимиздек, Давид Де Хеа "Манчестер Юнайтед" клуби билан 4 йиллик шартнома имзолагани ҳақида хабар бериб ўтгандик.

- Ушбу ажойиб клубда 8 йил давомида фаолият юритиш ҳамда ушбу жамоада фаолиятимни давом эттириш имконияти бўлгани мен учун шараф. Мен МЮ таркибида 350дан зиёд учрашувда майдонга тушишимни ҳеч қачон тассавур ҳам қилолмасдим. Бироқ бугун келажагим аниқ, менинг мақсадим жамоам билан турнирларда ғалаба қозонишдир.

Жамоанинг энг тажрибали аъзоси бўла туриб ёш ва иқтидорли футболчиларга йўл кўрсатишга тайёрман. Мен мухлисларга ўз фикрларини билдирганликлари учун ўз миннатдорчилигимни билдираман, - дея иқтибос келтиради "қизил иблислар" расмий веб-сайти.