Дембеле янги жамоа билан келишувга эришди

“Барселона” ҳужумкор футболчиси Усмон Дембеле ПСЖ билан оғзаки келишувга эришди, деб хаар бермоқда FootMercato нашри.

Парижликлар жамоани Килиан Мбаппе тарк этган тақдирда унинг ўрнини боса оладиган ўйинчи қидирмоқда. Уларнинг фикрича, бу вазифани Усмон Дембеле уддалай олади.

Франциялик футболчининг каталонияликлар билан ҳамкорлиги мавсум охирида якунланади. Томонлар уни узайтириш бўйича анчадан бери музокара олиб бормоқда. Бироқ “барселона” молиявий инқироздан чиқа олмаётгани боис, юлдуз ўйинчиларнинг маошини улар истаган даражада қоплай олмайди.

Дембелега ПСЖдан ташқари “Манчестер Юнайтед”, “Челси”, “Тоттенхэм” каби клаблар ҳам жиддий қизиқиш билдирган.