Дембеле яхшироқ вариант қидиряпти

“Барселона” раҳбарияти Усмон Дембелени янги шартномага кўндира олмаганини тан олган ҳолда, бу футболчининг хизматларидан воз кечишга қарор қилди.

Diario Sport нашрининг хабар тарқатишича, франциялик ҳужумкор футболчи “Ювентус” вакиллари билан ўзаро ҳамкорлик бўйича келишувга эришган. Бироқ, Дембеле Туринга кўчиб ўтишга шошилаётгани йўқ.

24 ёшли ўйинчи ўзига ПСЖдан қизиқиш борлигини билади ва ҳамюртлари унга туринликлардан кўра фойдалироқ шартнома беришини ишонч билан кутмоқда.

Жорий мавсумда Дембеле бешта учрашувда майдонга тушди ва жамоадошларини икки марта голли пас билан таъминлади.