Дембеле зўр таклиф олди

“Барселона” раҳбарияти жамоа ҳужумкор футболчиси Усмон Дембелега муносабатини ўзгартириб, унга янги битим таклиф қилди.

Маълумотларга қараганда, каталонияликлар франциялик ўйинчига икки йиллик шартнома ва бир мавсум учун 8 миллион евро маош қаъда қилмоқда. Шунингдек, Дембеленинг натижаларига қараб, турли бонуслар ҳам кўзда тутилган.

Аввалроқ, Дембеле жорий мавсум охирида якунланадиган келишувни узайтиришдан бош тортгани учун раҳбарият билан можаролашиб қолган эди. Бироқ, бош мураббий Хави Эрнандес ўйинчининг маҳоратига юқори баҳо бериб, уни қолишга кўндиргани айтилмоқда.

Усмон Дембеле жорий мавсумда Испания чемпионатида тўққиз маротаба майдонга тушиб, битта гол ва бешта голли пас муаллифи бўлди.