Дембеленинг бир имзоси “Барса” юлдузини "қурбон" қилади!

“Барселона” раҳбарияти Усмон Дембелени маоши пасайтирилган икки йиллик шартномага кўндиргани ҳақида хабарлар тарқала бошлади.

Франциялик ҳужумкор футболчи клуб билан янги шартномани имзоласа, бу битим нидерландиялик ҳужумчи Мемфис Депайнинг “Барселона”даги фаолиятига чек қўяди.

Клуб раҳбарияти Дембеле жамоада қолса, Депайдан воз кечишга қарор қилган. Бундан ташқари, каталонияликлар “Лидс” ҳужумкор футболчиси Рафинья Диасни ҳам қўлга киритмоқчи бўляпти.

Ўтган мавсумда 37 та ўйинда 13 та тўп киритган Депай клубнинг трансфер сиёсати қурбонига айланиб қолмоқда. Қолаверса, бош мураббий Хави Эрнандеснинг ўзи ҳам аввалги мураббий Рональд Куман танлаган ўйинчилар билан ишламоқчи эмас.