Дибала қайси жамоага ўтмоқчилиги маълум

"Ювентус"нинг аргентиналик ҳужумчиси Пауло Дибала "Барселона"га ўтишга умид қилмоқда. Бу ҳақда Diario Sport нашри хабар тарқатмоқда.

Манбанинг хабарига кўра, 28 ёшли футболчи Испания чемпионатида ўйнашни истамоқда. Ўз навбатида "Барселона" ҳам ёзда эркин агентга айланиши мумкин бўлган футболчига қизиқиш билдирмоқда, чунки унинг "Ювентус" билан шартномаси июнь ойи охирида тугайди.

Аввалроқ, Дибалага "Тоттенхэм" ва "Интер" ҳам қизиқиш билдираётгани ҳақида хабарлар тарқалган эди.

Пауло Дибала жорий мавсум “Ювентус” сафида барча турнирларда жами 27 та ўйинда майдонга тушиб, 12 та гол урди ва 6 та голли узатмани амалга оширди.