Дибала "Рома"ни тарк этиши мумкин

"Рома" ҳужумчиси Пауло Дибала ёзда клубини ўзгартириши мумкин. "Tuttosport" нашри хабарига кўра, аргентиналик ҳужумчи мавсум якунида бош мураббий Жозе Моуринью истеъфога чиқса, шунингдек, агар "Рома" Чемпионлар лигасига чиқа олмаса, жамоани тарк этиши мумкин.

Паулога "Интер" жиддий қизиқиш билдирмоқда. Бундан ташқари Эрик тен Хаг ҳам Дибалани "Манчестер Юнайтед"да кўрмоқчи.

29 ёшли футболчининг "бўрилар" билан амалдаги шартномаси 2025 йилнинг ёзига қадар мўлжалланган.

Ҳозирда Рим жамоаси А Серия турнир жадвалида бешинчи ўринда бормоқда.