Диего Барданка: Мақсадимиз чемпионлик бўлмаслиги зарур

Ўзбекистон Кубоги гуруҳ босқичининг биринчи тури доирасида бўлиб ўтган "Андижон" - "Локомотив" баҳси меҳмонларнинг 2:1 ҳисобидаги ғалабаси билан якунланди. Учрашувнинг энг яхши футболчиси, деб топилган Диего Барданка ўз фикрлари билан бўлишди:

"Кубок биз учун жуда муҳим мусобақа. Жамоамиз амбицияси ҳар бир ўйинда ғалаба қозонишни талаб этади. Лига, кубок ёки ўртоқлик ўйини - буларнинг ҳеч қандай фарқи йўқ. Ҳар бирига жиддий ёндашиб ҳаракат қилишимиз зарур. Эгнимиздаги либосни бор меҳримизни бериб, шараф билан ҳимоя қилишимиз керак. 

Очиғини айтганда, бизнинг мақсадимиз бугунги кунда ғалаба қозониш, кейинги мақсадимиз эса келгуси рақибни таслим этиш. Бугунги кун билан яшашимиз лозим. Олдимиздаги учрашувларни ютсак, чемпионлик ўзи келаверади. Биз тарихни ҳар куни, қадамма-қадам яратишимиз лозим. Ҳақиқатан ҳам яхши меҳнат қилсак, натижа қандай бўлиши мумкин? Келинг, яхшиси кутамиз", - дейди Барданка.