Эммануэль Пети: "ЧЛдан кўра АПЛ ғолиблиги муҳимроқ"

Франция миллий терма жамоаси ва "Арсенал" клубининг собиқ футболчиси Эммануель Пети журналистлар билан суҳбатда бир қанча саволларга жавоб берди.
 
- "Арсенал"нинг Премьер-лигада ғалаба қозонишини афзал кўрасизми ёки Чемпионлар Лигасида?

"Арсенал" Премьер-лигада ҳам, Чемпионлар лигасида ҳам ғалаба қозониш учун ўйнаши керак. Бу катта клуб ва улар шундай ҳаракат қилишлари керак. Улар фақат битта нарсага эътибор қаратишлари мумкин эмас. Мавсум давомида рақобатбардош бўлишни истасангиз, ҳар бир ўйинга алоҳида тайёргарлик кўришингиз ва ҳамма мусобақада ғалаба қозонишга интилишингиз керак.

Аммо мен танлашга тўғри келса, "Арсенал"ни АПЛда ғалаба қозонишини танлаган бўлардим. Чунки улар икки йилдан бери "Манчестер Сити"ни қувиб келмоқда. Бу орада индивидуал ва жамоавий жиҳатдан сезиларли ютуқларга эришди.

Чемпионлар лигаси ғолиблигини бир оқшомда ҳал қилиш мумкин. АПЛни эса, 10 ой давомида ҳар дам олиш кунлари ўйналади. Ғалаба қозониш жуда қийин, Чемпионлар лигасидан ҳам қийин”, - деди “Арсенал”нинг собиқ ярим ҳимоячиси.