Энди "Бухоро"ни ҳам россиялик мутахассис бошқаради

Хабарингиз бор “Бухоро” клуби Бахтиёр Ашурматовни бош мураббий лавозимидан истеъфога чиқарган эди.

Бизга етиб келган маълумотларга қараганда бухороликлар россиялик мутахассис Андрей Гордеев билан келишувга эришишган.

Маълумот учун, 44 ёшли мутахассис мураббийлик фаолияти давомида “Сатурн”, “Металлург” (Донецк), “Анжи”, “Сибир, “Мордовия”, “СКА Хабаровск” клубларини бошқарган. Унинг сўнгги иш жойи Россия U19 терма жамоаси бўлган эди.

Таъкидлаш керакки, Гордеев Суперлигамиздаги ягона россиялик мураббий бўлмайди. Айни дамда чемпионатимизда Андрей Кансельскис ("Навбаҳор) ва Александр Хомяков ("Андижон") каби россиялик мураббийлар ҳам фаолият олиб боришмоқда.

Эслатиб ўтамиз, “Бухоро” айни дамда Суперлигада ортда қолган 11та турдан сўнг 7 очко билан 13-ўринни эгаллаб турибди.