Эрлинг Холанд ёзда “Сити”ни тарк этади, лекин “Реал”га бормайди!

“Манчестер Сити” ҳужумчиси Эрлинг Холанд мавсум якунланиши билан Англия Премьер-лигасини тарк этиши мумкин.

Таниқли журналист Франсуа Галлардо 23 ёшли тўпурар ёзда “Барселона”га кўчиб ўтиши ҳақида маълумот тарқатди.

Манбага кўра, Холанднинг Каталонияга клубига ўтиши анча олдин ҳал қилинган. Испан гранди бу трансфер учун 100 миллион евро тўлайди.

Эрлинг Холанд “Манчестер Сити”га 2022 йилнинг ёзида “Боруссия”дан ўтган эди.  Ҳозиргача “шаҳарликлар” сафида 75 та учрашувда майдонга тушган форвард ўз ҳисобига 71 та гол ва 14 та ассист расмийлаштирган.