Евро-2020: Уэльс - Швейцария учрашувида ғолиб номи аниқланмади

Европа чемпионати 1-туридан ўрин олган Уэльс - Швейцария учрашуви ўз якунига етди. Унда томонлар 1:1 ҳисобидаги дурангга имзо чекди.

Ҳисоб иккинчи бўлим бошида Брил Эмболо томонидан очилди. Бурчакдан оширилган тўпни швейцариялик ҳужумчи дарвозага тўғирлаб юборди. 74-дақиқада Соммер постини ишғол этган Киффер Мур якунда жамоасига дуранг келтирган голни киритди.

Шундай қилиб, 1 очко олган Уэльс Италиядан кейин 2-ўринни эгаллаб турган бўлса, 2 очко йўқотган Швейцария 3-поғонага жойлашди.

• 90+6'
  

  Учрашув якунланди. Томонлар бир очкодан бўлишиб олди.

• 90+4'
  

  Бурчакдан оширилган тўпга швейцарияликлардан ҳеч ким аниқ зарба бера олмади.

• 90+4'

  Эмболо фаол ҳаракатлари билан жамоасига бурчак зарбаси ишлаб берди. Бу сўнгги имкониятлардан бири.

• 90+3'
  

  Рэмзи ўз ўрнини Этан Ампадуга бўшатиб берди.

• 90+2'

  Гаврановичнинг навбатдаги зарбаси ҳам анча хавфли чиқди. Бироқ Марио бу сафар ҳам воқеалар ривожидан бироз илгарилаб кетган эди.

• 90'
  

  Ўйиннинг асосий вақтига 5 дақиқа қўшиб берилди.

• 90'
  

  Дэнни Уорддан супер сейв! Эмболонинг бош билан йўллаган зарбасини Уэльс посбони қайтарди.

• 89'

  Швейцарияликларнинг босими ортмоқда. Улар ғалаба учун кўпроқ ҳаракат қилаётгандек кўринмоқда.

• 88'

  Захирадан ўйинга қўшилган Гавранович анча фаол ҳаракат қилмоқда. Бу сафар Марио узоқ масофадан берган зарбаси билан хавф туғдира олди.

• 86'
  

  Видеотакрорларни кўрган Тюрпен голни бекор қилди. Марио Гавранович офсайдда қолиб кетганлини аниқланди.

• 85'
  

  ГОООООООООЛ! Швейцария ҳисобда олдинга ўтиб олди!

  Ҳозиргина майдонга тушган Гавранович жамоасини ҳисобда олдинга олиб чиқди.

• 84'
  

  Сеферович ўз ўрнини Гаврановичга бўшатиб берди.

• 83'

  Бэйлнинг жарима майдонига оширган тўпига жамоадоши бироз ета олмади.

• 81'

  Адашмадик, футболчилар сўнгги дақиқаларни етарлича фаол ўтказмоқда.

• 79'

  Бен Дэвиснинг олис масофадан берган зарбасига аниқлик етишмади.

• 77'

  Голдан "иштаҳаси очилган" уэльсликлар ҳужумкорликни давом эттирмоқда.

• 75'
  

  Дэниель Жеймс ўрнига Дэвид Брукс ўйинни давом эттиради.

• 74'
  

  ГООООООООООЛ! Уэльс ҳисоб тенглаштирди!

  Жарима майдонига оширилган тўпни Мур боши билан дарвозага йўллади. Соммер ожиз қолди.

• 73'

  Пейж шогирдлари навбатдаги бурчак зарбасига эга бўлди.

• 70'

  Бэйл ва унинг жамоадошлари рақиб жарима майдони атрофида катта қийинчиликка дуч келмоқда. Петкович шогирдлари яхши ҳимояланяпти.

• 68'

  Ўйин темпи пасайди. Бу тўфон олдидан юзага келадиган сукутга ўхшамоқда.

• 66'
  

  Шакири ўз ўрнини Закарияга бўшатиб берди.

• 66'

  Эмболонинг бу сафарги зарбасидан кейин тўп устун ёнгинасидан ўтиб кетди.

• 64'

  Рэмзининг айлантириб оширган тўпига ҳеч ким ета олмади.

• 63'
  

  Жарима майдони яқинижа Жеймсни йиқитган Мбабу огоҳлантирилди. Уэльсликларда яхши стандарт вазият юзага келди.

• 61'

  Ҳимоячилардан қайтган тўпни Дэвис кучли зарбаси билан дарвозага йўналтирди. Кичик рекошет мўлжални ўзгартириб юборди.

• 60'
  

  Ҳимояга қайтган Эмболо тўп учун курашда Жеймс билан тўқнашиб кетди. Унга шифокорлар ёрдам кўрсатмоқда.

• 59'

  Ҳисобда ортда бораётган Пейж шогирдлари кутилганидек олдинга интилмоқда.

• 57'

  Номинал меҳмонларнинг классдаги устунлиги аксарият вазиятларда сезилиб қолмоқда. Ақниқса, майдондаги яккакурашларда.

• 55'

  Жамоадоши оширган тўпга Шакири тўхтата олмади. 

• 53'

  Бир рақибидан ўтган Бэйл тўпни ўзидан узоқлаштириб юборди. Натижада, тўп йўқотилди.

• 52'

  Мбабунинг жарима майдони ичидан берган зарбаси ноаниқ кетди. Қулай имконият кўкка совурилди.

• 51'

  Ҳисобда ортда қола бошлаган уэльсликлар фаолликни оширишга уриняпти.

• 49'
  

  ГОООООООЛ! Швейцария ҳисобни очди!

  Бурчакдан оширилган тўпни Эмболо боши билан дарвозага тўғирлаб юборди.

• 49'
  

  Эмболонинг кучли зарбасидан кейин дарвозабон тўпни қайтарди.

• 48'
  

  Шерга тиббий ёрдам кўрсатилди. 

• 46'
  

  Иккинчи тайм бошланди.

• 46'

  Футболчилар майдонга қайтди. Биз ҳам қайтамиз.

• 45+2'
  

  Биринчи таймда ҳисоб очилмади. Танаффус!

• 45+1'

  Харис Сеферовичнинг яқин масофадан берган зарбасига аниқлик етишмади. Қулай имконият қўлдан кетди.

• 45'
  

  Биринчи бўлимга 2 дақиқа қўшиб берилди.

• 44'
  

  Кевиннинг ўзига эса тиббий ёрдам кўрсатилмоқда.

• 43'

  Номинал меҳмонлар Мбабуга нисбатан ишлатилган қўполлик натижасида стандарт вазиятга эга бўлди.

• 42'

  Бўлим сўнгини Петкович шогирдлари нисбатан фаолроқ ўтказмоқда.

• 40'

  Сеферовичнинг зарбасидан кейин тўп тўсин юқорисидан ўтиб кетди.

• 38'

  Ўйин темпи бироз пасайди. Томонлар танаффус олдидан бироз енгил тин олмоқда.

• 36'

  Эмболонинг зарбаси дарвозага қадар етиб бормади.

• 34'

  Мануэль Аканжининг яқин масофадан берган зарбаси ҳимоячиларга тегиб бошқа томонга йўналди. Швейцарияликлар яна бир бурчак зарбасини ўйинга киритади.

• 33'

  Жарима майдонига оширилган тўпни Бен Дэвис қайтариб юборди. Бурчак зарбаси.

• 31'

  Бэйлнинг стандартдан берган узатмасига ҳеч ким ета олмади. Қулай имконият қўлдан кетди.

• 30'
  

  Дэниель Жеймсни ўтказиб юборган Фабиан Шер огоҳлантирилди.

• 29'

  Шакири жарима майдонига яқин ҳудудда йиқилиб тушди. Ҳакам ўйинни давом эттиришга рухсат берди.

• 27'

  Сеферовичнинг жарима майдони ичидан берган зарбасига аниқлик етишмади.

• 26'

  Ўйин швейцарияликларнинг устунлиги остида давом этмоқда.

• 24'

  Гранит Жаканинг олис масофадан берган зарбаси хавфли, бироқ ноаниқ чиқди.

• 22'

  Родригеснинг узатмасига Сеферович ноаниқ зарба берди.

• 20'
  

  Фабиан Шернинг яқин масофадан берган зарбасини дарвозабон қайтариб қолди.

• 20'
  

  Швейцарияликлар бурчакдан тўпни ўйинга киритиш имкониятини қўлга киритди.

• 18'

  Рицар Мур махсус боғич билан майдонга қайтди. У ўйинни давом эттира олади.

• 17'
  

  Мурнинг қоши ёрилди. Шифокорлар унга тиббий ёрдам кўрсатмоқда.

• 15'
  

  Мурнинг бош билан йўллаган аниқ зарбасидан кейин Соммер супер сейв намойиш этди.

• 13'

  Гарет Бэйлнинг қанотдан оширган тўпига на шериклари, на рақибларидан ҳеч ким ета олмади. 

• 11'

  Жаканинг узоқ масофадан йўллаган кучли зарбаси жамоадошига тегиб ўз йўналишини ўзгартирди.

• 10'

  Тўп назорати Петкович шогирдлари томонга ўтди. Энди улар турли хил косбинациялар ташкил этмоқда.

• 8'
  

  Эмболо майдонда ётибди. Унга тиббий ёрдам керакка ўхшайди.

• 7'
  

  Швейцарияликлар бурчак зарбасидан наф чиқара олмади.

• 6'

  Мбабунинг фаол ҳаракатлари жамоасига бурчак зарбаси ишлаб берди. 

• 5'

  Роб Пейж шогирдлари рақиб босимини қисқа паслар билан ортда қолдирмоқда. Комбинациялар ёмон эмас.

• 4'

  Шакирининг узатмасидан кейин Сеферович ҳужумни муваффақиятли давом эттира олмади.

• 2'

  Номинал мезбонлар илк дақиқалардан фаолроқ ўтказмоқда. Жэймснинг чап қанотдан оширган тўпини дарвозабон ушлаб олди.

• 1'
  

  Ўйин бошланди!

• 0'

  Футболчилар майдонга тушиб келди. Старт учун бир неча сония қолди!