Европа футболининг бўлажак юлдузи талаш бўлмоқда

Дортмунднинг “Боруссия” клуби ҳужумчиси Юссуф Мукоко бирданига олтита гранд клуб нишонига тушди.

Таниқли журналист Николо Скира 17 ёшли футболчига “Челси”, “Манчестер Юнайтед”, “Барселона”, ПСЖ, “Манчестер Сити” ва “Ливерпуль” харидор бўлаётганини маълум қилди.

Мукоконинг амалдаги шартномаси мавсум охирида якунланади. Дортмундликлар Юссуф билан шартномани узайтирмоқчи. Бироқ футболчи ва унинг агентлари гранд клублар катта маош таклиф қилишини яхши билгани учун "Боруссия" чорловини қабул қилмаяпти.

Юссуф Мукоко жорий мавсумда Бундеслигада 13 та учрашувда қатнашиб, олтита гол ва учта ассист қайд этди. Ёш ҳужумчи Германия терма жамоаси сафида жаҳон чемпионатида иштирок этади.