Файзуллаев нега табрикни қабул қилмади?

ЦСКА ва “Крилья Советов” жамоалари ўртасидаги учрашувнинг иккинчи бўлимида майдонга тушиб, беллашувнинг энг яхши ўйинчиси, деб эътироф этилган Аббосбек Файзуллаев журналистларга интервью берди.

ЦСКА жамоаси ўзбек легионерининг хатти-ҳаракатлари эвазига ўйиннинг иккинчи ярмида устунликни ўз қўлига олди. Фаол ўйнаган Аббосбек Файзуллаевнинг аниқ тўп узатишидан кейин мезбонлар ҳисобни тенглаштириб, мағлубиятдан қутилиб қолди.

- Аббосбек, дуранг билан сизни табрикласак бўладими ёки йўқми?

- Йўқ. Чунки биз ЦСКА жамоасимиз. Ҳар доим ғалаба қозонишни истаймиз, бу гал ҳам уч очкони кўзлаган эдик. Яхши ўйин ўтказдик, иккита тўп ўтказиб юборганимизга қарамай, ўйинда бурилиш ясадик ва дурангга эришдик. Кўрганингиздек, уч очкони қўлга киритиш учун охиригача курашдик. Насиб қилса, кейинги ўйинда ютамиз.

- Сиз майдонга тушганингиздан кейин ЦСКАнинг ўйини ҳақиқатан ўзгарди. Терма жамоада гол урганингиздан кейин бу ўйинга ҳам ўзгача киришдингиз. Россия чемпионатида тўлиқ мослашиб олдингиз, деган хулосага келдик...

- Мен мослашишда давом этяпман ва бунда менга жамоадаги барча йигитлар ва мураббийлар ёрдам беряпти. Ҳаммага раҳмат. Албатта, бу гал ўзимни кўрсатиш учун кўпроқ ўйин вақти берилганидан хурсандман. Кейинги баҳсда  янада яхшироқ ўйнашга ҳаракат қиламан.

- Майдонда ким билан бир бирингизни яхши тушуниб ҳаракат қиляпсиз?

- Ҳозирча бирор кимни алоҳида ажратиб кўрсата олмайман. Чунки ҳали жуда кам ўйнадим. Машғулотларда ҳамма билан мулоқот қилишга, тил топишишга уриняпман.

- Жарима зарбасини беришда олдингизга Игорь Акинфеев югуриб келди. У сизга нимани маслаҳат берди?

-Рақиб дарвозабонининг зарбани кўриб туришини чеклаш ва кучлироқ зарба беришни айтди.

- “Жонли девор” халақит берди-а? Лекин ҳаммаси тўғри бажарилганди...

- Ҳа. Шундай бўлди.

Аббосбек Файзуллаев ЦСКА жамоаси сафига август ойинининг бошида трансфер қилинди. “Пахтакор” тарбияланувчиси бир ойлик тайёргарлик жараёнини ўтаганидан кейин, энди-энди ўйинларга жалб этилмоқда.

19 ёшли ҳужумкор футболчи Россия Премьер-лигасида ҳозиргача уч маротаба майдонга тушиб, “Динамо” ва “Оренбург” жамоаларига қарши бир неча дақиқа ўйнаган бўлса, мана энди “Крилья Советов”га қарши тўлиқ бир бўлим  ўйнади.

Шунингдек, ўзбек легионери бу учрашувда самарали ҳаракатлар ҳисобини очиб, ўз номига битта ассист расмийлаштириб қўйди.

ЦСКА жамоаси Россия Премьер-лигаси доирасидаги навбатдаги учрашувини 24 сентябрь куни сафарда “Ростов” футболчиларига қарши ўтказади.  

ЦСКА бош мураббийи Аббосбек Файзуллаев ҳақида нималар деди?

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Тезкор: Бугун “Ланс” Ҳусановни ўйнатишга мажбур. Сабаби...

Мбаппени олишни ҳеч ким таклиф қилмагани учун Шомуродов олинди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Италиялик мухлислар Шомуродовни муҳокама қилмоқда: яхши гап ҳам, танқид ҳам етарли!

Фанатлар Шомуродовдан нимани талаб қиляпти?