Фелиш учун курашга энди "Реал" ҳам қўшилди

"Бенфика" клуби вингери Жоау Фелиш "Реал" Мадриднинг қизиқишлар доирасига кириб қолди.

Marca нашри тарқатган хабарга кўра “қироллик клуби” скаутлари Фелишнинг Европа лигаси чорак финалида "Айнтрахт"га қарши кўрсатган ўйинидан ҳайратда тушишган.  Аслида “Реал” вакиллари шу куни “Айнтрахт” форварди Лука Йовичнинг ўйинларини кузатиш учун келишган эди.

Эслатиб ўтамиз, Фелиш шу куни франкфуртликлар дарвозасига 3та гол уриб, Европа лигасида хет-трик қайд этган энг ёш футболчига айланган эди. Шундан сўнг 19 ёшли португалиялик футболчи Европа лигасида ҳафта футболчиси деб топилди.

Эслатиб ўтамиз, Фелиш учун шунингдек “Ювентус” ва “Барселона” клублари ҳам кураш олиб боришмоқда.