Filiposyan "Lokomotiv"da!

Joriy mavsumni Indoneziyaning “Tira Persikabo” jamoasida o‘tkazib qaytgan himoyachi Artyom Filiposyan ayni kunda “Lokomotiv” bilan birga mashg‘ulotlarda ishtirok etayotgani ma’lum bo‘ldi. Bu xabarni futbolchining o‘zi ham tasdiqladi.

Hozircha Filiposyan sport formasini yo‘qotmaslik maqsadida temiryo‘lchilarning mashg‘ulotlarida qatnashib turibdi. “Loko” Artyom uchun begona emas. 2014 yili shu jamoa tarkibida to‘p surganini yaxshi eslaymiz. Ma’lumotlarga qaraganda, futbolchiga qator takliflar bor. Ularning orasidan eng ma’qul variantni tanlashini ma’lum qildi.