"Fiorentina" "Bryugge" ustidan irodali g‘alabani tantana qildi (video)
UEFA Konferentsiyalar ligasining yarim final ikkinchi juftligida “Fiorentina” o‘z maydonida “Bryugge”ga qarshi bahs olib bordi.
“Artemio Franki” nomidagi stadionda kechgan uchrashuv har tomonlama murosasiz kechdi. Shu kuni muxlislar naqd 5 ta golning guvohi bo‘lishdi. O‘yinning 61-daqiqasiga kelib mehmonlar a’zosi Rafael Onedika hakam tomonidan qizil kartochka ko‘rsatilib maydondan chetlatildi. O‘z navbatida bu ustunlik uchrashuv natijasiga ham ta’sir qildi. 2:2 hisobi qayd etilayotgan bir paytda 90+1 daqiqada mezbonlar a’zosi Mbala Nzola raqib darvozasini ishg‘ol qildi va jamoasiga muhim g‘alabani olib keldi – 3:2.
Ushbu jamoalar o‘rtasidagi javob bahsi 10 may kuni Belgiyada bo‘lib o‘tadi.
Quyida “Fiorentina” – “Bryugge” bahsining qisqacha videosharhini tomosha qilishingiz mumkin:
Fikrlar