Флик “Барса”га зудлик билан бир футболчини олиб келишни сўраяпти

“Барселона” раҳбарияти истеъфога чиқарилган бош мураббий Хави Эрнандес ўрнига германиялик мутахассис Ханс-Дитер Фликни тайинлаши ҳақида маълумотлар  тарқатилмоқда.

Bar Canaletes нашрининг ёзишича, янги бош мураббий клуб раҳбариятидан биринчи трансферни амалга оширишни сўраган. Унга кўра, Флик ўз қўл остида “Байер” футболчиси Эсекьель Паласиосни кўрмоқчи.

Майдон марказида ҳам ҳимоявий, ҳам ҳужумкор ўйин кўрсата оладиган 25 ёшли ярим ҳимоячи Аргентинанинг “Ривер Плейт” жамоаси тарбияланувчиси ҳисобланади.

Палаиос 2020 йилдан бери “Байер” шарафини ҳимоя қилмоқда ва якунланган мавсумда леверкузенликлар билан бирга тарихий чемпионликни қўлга киритди.

Transfermarkt портали аргентиналик футболчини 40 миллион еврога баҳоламоқда. Унинг “доришунослар” билан шартномаси 2028 йилнинг ярмигача давом этиши белгиланган.